କେନ୍ଦ୍ରାପଡ଼ା କଂସାର ପଞ୍ଚାୟତ ଅନ୍ତର୍ଗତ ଫୋରଡ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ମହାସମାରୋହରେ ପାଳିତ ହୋଇଅଛି।ଉକ୍ତ ଉତ୍ସବରେ ବିଦ୍ୟାଳୟ ର ପ୍ରଧାନଶିକ୍ଷକ କୈଳାଶ ଚନ୍ଦ୍ର ରାଉତ ସଭାପତିତ୍ଵ ରେ ମୁଖ୍ୟ ଅତିଥି ଜିଲ୍ଲାପରିଷଦ ସଭ୍ୟ ରଶ୍ମିରଞ୍ଜନ ରାଉତ, ସମ୍ମାନୀୟ ଅତିଥି ରୂପେ ପ୍ରାକ୍ତନ କଟକ ଶିକ୍ଷା ଜିଲ୍ଲା ପରିଦର୍ଶକ ହେମନ୍ତ କୁମାର ଜେନା ଓ ଅନ୍ୟ ମାନଙ୍କ ମଧ୍ୟରେ ସମିତି ସଭ୍ୟ ସରୋଜ ରଞ୍ଜନ ଜେନା, ଅବସରପ୍ରାପ୍ତ ଶିକ୍ଷକ ରମେଶ ଚନ୍ଦ୍ର ପତି , ଉମେଶ ଚନ୍ଦ୍ର ପତି , ସମାଜସେବୀ ନିରଞ୍ଜନ ପରିଡ଼ା,ସାମ୍ବାଦିକା ସସ୍ମିତା ବେହେରା ଏବଂ କଂସାର ପଞ୍ଚାୟତ ର ସରପଞ୍ଚଙ୍କ ପ୍ରତିନିଧି ମନୋଜ କୁମାର ନାୟକ ଯୋଗଦାନ କରିଥିଲେ। ଏଥିରେ ବିଦ୍ୟାଳୟର କୁନି କୁନି ଛାତ୍ର ଓ ଛାତ୍ରୀମାଙ୍କ ଦ୍ଵାରା ସଙ୍ଗୀତ, ବକୃତା ଓ ଖେଳ ନିଶା ନିବାରଣ ନିମନ୍ତେ ସଚେତନତା କାର୍ଯକ୍ରମ ‘ପେଟେଣ୍ଟ ମେଡ଼ିସିନ’ ନାଟକ ପରିବେଷଣ କରାଯାଇଥିଲା । ଏହି କାର୍ଯ୍ୟକ୍ରମକୁ ବିଦ୍ୟାଳୟର ବରିଷ୍ଠ ଶିକ୍ଷକ ଅନିଲ କୁମାର ଦାସ , ମନିଶ ଗୋତ୍ତମ, ଶିକ୍ଷୟତ୍ରୀ ଅନ୍ନପୂର୍ଣ୍ଣା ନାୟକ , ନିବେଦିତା ଲେଙ୍କା ପରିଚାଳନା କରିଥିଲେ। ଉତ୍ସବର ଶେଷରେ ବିଦ୍ୟାଳୟର କୃତି ଛାତ୍ର ଛାତ୍ରୀମାଙ୍କୁ ଅତିଥି ମାନଙ୍କ ଦ୍ଵାରା ପୁରସ୍କାର ପ୍ରଦାନ କରାଯାଇଥିଲା। ଫୋରଡ ଗ୍ରାମର ଶଙ୍କର୍ଷଣ ମୁଦୁଲି , ବବଲୁ ଜେନା , ଦୟାନିଧି ଜେନା , ଚିତ୍ତରଞ୍ଜନ ପ୍ରଧାନ , ଦୀପ୍ତି ରଞ୍ଜନ ମୁଦୁଲି ସମେତ ଗ୍ରାମବାସୀ ଉକ୍ତ କାର୍ଯ୍ୟକ୍ରମରେ ସହଯୋଗ କରିଥିଲେ।
