ନୂଆଦିଲ୍ଲୀ – ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶଲ ଏପି ସିଂହ ଭୂ-ରଣନୈତିକ ପରିଦୃଶ୍ୟରେ ନୂଆ ସୁରକ୍ଷା ଚ୍ୟାଲେଂଜର ମୁକାବିଲା କରିବା ପାଇଁ ଦ୍ରୁତଗତିରେ କ୍ଷମତା ବୃଦ୍ଧିର ଆବଶ୍ୟକତା ଉପରେ ଗୁରୁତ୍ୱ ଦେଇଛନ୍ତି । ସେ ଯୁଦ୍ଧ ପ୍ରଭାବଶୀଳତାକୁ ବଢାଇବା ପାଇଁ ତିନି ସେନା ମଧ୍ୟରେ ଏକିକୃତ ପ୍ରଶିକ୍ଷଣ ଓ ପରିଚାଳନ ତାଳମେଳକୁ ଆବଶ୍ୟକତା ବୋଲି କହିଛନ୍ତି । ସେ ସୁରକ୍ଷା ବିପଦ ପାଇଁ ଦ୍ରୁତ ଭାବେ କ୍ଷମତା ବୃଦ୍ଧି, ମିଳିତ କୌଶଳ ଓ ଅନୁକୂଳ ରଣନୀତି ଉପରେ ଗୁରୁତ୍ୱ ଦେଇଛନ୍ତି ।
ଏୟାର ଚିଫ୍ ମାର୍ଶଲ ବୁଧବାର ପ୍ରତିରକ୍ଷା ସେବା ଷ୍ଟାଫ୍ କଲେଜ, ୱେଲିଂଗଟନରେ ସ୍ଥାୟୀ ବ୍ୟାଚ ସହିତ ୮୦ତମ ଷ୍ଟାଫ୍ କୋର୍ସରେ ଭାଗ ନେଇଥିବା ଭାରତୀୟ ସଶସ୍ତ୍ର ବଳର ଛାତ୍ର ଅଧିକାରୀଙ୍କୁ ସଂବୋଧିତ କରିଛନ୍ତି । ସେ ଦୁଇ ଦିବସୀୟ ଡିଏସଏସସି ଗସ୍ତର ଶେଷ ଦିନରେ ତାଙ୍କ ସଂବୋଧନରେ କୋର୍ସ ଅଧିକାରୀଙ୍କୁ ପରିବର୍ତ୍ତନକୁ ଆପଣାଇବା, ନୂଆ ବିପଦକୁ ଗୁରୁତର ଭାବେ ଆକଳନ କରିବା ଓ ଭବିଷ୍ୟତର ସଂଘର୍ଷ ପାଇଁ ଅନୁକୂଳ ରଣନୀତି ପ୍ରସ୍ତୁତ କରିବାକୁ ଅନୁରୋଧ କରିଛନ୍ତି । ତାଙ୍କର ଏହି ଯାତ୍ରା ଏକିକୃତ ସଂଚାଳନ ଓ ଭବିଷ୍ୟତ ପାଇଁ ପ୍ରସ୍ତୁତ ନେତୃତ୍ୱ ପାଇଁ ଭାରତୀୟ ବାୟୁସେନାର ପ୍ରତିବଦ୍ଧତାକୁ ସୂଚାଉଛି ।
