ନିଶ୍ଚିନ୍ତକୋଇଲି ୩୦/୦୬( ଫାଲ୍ଗୁନୀ ପ୍ରସାଦ ପଣ୍ଡା ): ନିଶ୍ଚିନ୍ତକୋଇଲି ବ୍ଲକ ଅନ୍ତର୍ଗତ ଅସୁରେଶ୍ଵର ର କୋଇଲୋ ଆରାଧ୍ୟା ଦେବତା ପ୍ରଭୁ ଶ୍ରୀ ଦଧିବାମନଜୀଉଙ୍କ ଶ୍ରୀଗୁଣ୍ଡିଚା ଯାତ୍ରା ମହାସମାରୋହରେ ପାଳିତ ହୋଇଯାଇଛି। ଶନିବାର ଦିନ ରାତି ଆଠଟା ସମୟରେ ମହାପ୍ରଭୁ ସେନାପଟା ଲାଗି କରାଯିବା ପରେ ମଥାରେ ତାହିଆ ପିନ୍ଧି ପରେ ରଥ ଉପରେ ମହାପ୍ରଭୁଙ୍କ ଦକ୍ଷିଣ ଆଳତି ସରିବାପରେ ପଣ୍ଡାପରିହାରି ମାନେ ପହଣ୍ଡି କରି ମହାପ୍ରଭୁଙ୍କୁ ଗୁଣ୍ଡିଚା ମନ୍ଦିରକୁ ନେଇଥିଲେ । ଆଡ଼ପ ମଣ୍ଡପରେ ମହାପ୍ରଭୁଙ୍କୁ ଶହଶହ ଶ୍ରଦ୍ଧାଳୁ ଦର୍ଶନ କରିଥିଲେ।
ଆଡ଼ପ ମଣ୍ଡପ ରେ ପଣ୍ଡିତ ଶ୍ରୀକାନ୍ତ ପଣ୍ଡା, ଶୁଶାନ୍ତ ପଣ୍ଡା, ମନମୋହନ ପତି,ବିଜୟ ମିଶ୍ର ପ୍ରମୁଖ ମହାପ୍ରଭୁ ଙ୍କ ନିତି କାନ୍ତି ପୂଜା ଅର୍ଚ୍ଚନା କରୁଛନ୍ତି। ଗତକାଲି ଜୟ ଜଗନ୍ନାଥ ସ୍ବେଚ୍ଛାସେବୀ ସଂଗଠନ ପକ୍ଷରୁ ଓଡ଼ିଶାର ସୁନାମଧନ୍ୟ କଣ୍ଠଶିଳ୍ପୀ ମାନଙ୍କୁ ନେଇ ଭଜନ ସନ୍ଧ୍ୟା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
