ଜଳେଶ୍ବର : ସୁବର୍ଣ୍ଣରେଖା ପୁର୍ଣ୍ଣତୋୟା ନଦୀ ସନ୍ନିକଟ ଜଳେଶ୍ବର ବ୍ଲକ ଅନ୍ତର୍ଗତ ଜମାଳପୁର ଖେଳପଡିଆରେ ଶ୍ରୀ ଶ୍ରୀ ଜଗନ୍ନାଥଙ୍କ ଅପରୁପ ୩୨ ବେଶ ଓ ଲୋକ ମହୋତ୍ସବ ଗତକାଲି ସନ୍ଧ୍ୟାରେ ଉଦଘାଟିତ ହୋଇଯାଇଛି। ସକାଳେ ଶହ ଶହ ମହିଳା ଭକ୍ତ ସୁବର୍ଣ୍ଣରେଖା ନଦୀର ବାଗ ଘାଟରୁ ପବିତ୍ର ପାଣି ଉତ୍ତୋଳନ କରି ସୁଶୋଭିତ ଶୋଭାଯାତ୍ରାରେ ପରିକ୍ରମା ସହ ମହୋତ୍ସବ ସ୍ଥଳରେ ପହଞ୍ଚିଥିଲେ। ଅପରାହ୍ନରେ ୪ କିଲୋମିଟର ଦୂର ମାଳଗଡିଆ ଠାରୁ ଏକ ବର୍ଣ୍ଣାଢ଼୍ୟ ଶୋଭାଯାତ୍ରାରେ ଓଡ଼ିଶାର ପ୍ରସିଦ୍ଧ ସାଂସ୍କୃତିକ କଳାକାର ମାନେ ତାଙ୍କର ବାଦ୍ୟ ନୃତ୍ୟ ପ୍ରଦର୍ଶନ ସହିତ ବିରାଟ ଶୋଭାଯାତ୍ରାରେ ମହୋତ୍ସବ ସ୍ଥଳରେ ପହଞ୍ଚିଥିଲେ। ରଙ୍ଗା ରଙ୍ଗ ଆଲୋକମାଳା, ପୁରୀସ୍ଥିତ ଶ୍ରୀମନ୍ଦିର ସଦୃଶ ସୁସଜ୍ଜିତ ମନ୍ଦିର, ମେଘନାଦ ପାଚେରୀ,ସିଂହଦ୍ୱାର, ଶ୍ରୀ ଜଗନ୍ନାଥଙ୍କ ଦିବ୍ୟ ୩୨ ବେଶ ଦର୍ଶନରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା।ଏହି ଉପଲକ୍ଷେ ହଜାର ହଜାର ଶ୍ରଦ୍ଧାଳୁଙ୍କ ଗହଣରେ ମହୋତ୍ସବ ଉଦଘାଟିତ ହୋଇଥିଲା। ବାଲେଶ୍ବର ପୂର୍ବତନ ସାଂସଦ ରବିନ୍ଦ୍ର କୁମାର ଜେନା ଆନୁଷ୍ଠାନିକ ଭାବେ ୩୨ବେଶ ଓ ମହୋତ୍ସବ କାର୍ଯ୍ୟକ୍ରମକୁ ଉଦଘାଟନ କରିଥିଲେ।ମହୋତ୍ସବ କମିଟିର ବରିଷ୍ଠ ସଭ୍ୟ ତଥା ଶିକ୍ଷାବିତ ଖଗେନ୍ଦ୍ର ନାଥ ସାହୁଙ୍କ ପୌରହିତ୍ୱରେ ଆୟୋଜିତ ଉଦଘାଟନୀ ସମାରୋହରେ।ମୁଖ୍ୟ ଅତିଥି ରୂପେ ପୁରୀ ଗୋବର୍ଦ୍ଧନ ପୀଠର ପଣ୍ଡିତ ମାତୃ ପ୍ରସାଦ ମିଶ୍ର, ମୁଖ୍ୟବକ୍ତା ରୂପେ ବିଧାୟକ ଅଶ୍ୱିନୀ କୁମାର ପାତ୍ର, ସମ୍ମାନିତ ଅତିଥି ରୂପେ ବରିଷ୍ଠ ସମାଜସେବୀ ସଞ୍ଜୀବ ଗିରି, ସମାଜସେବୀ କନିଷ୍କ ବୋଧିସତ୍ୱ ଦାସ ପ୍ରମୁଖ ଯୋଗଦେଇ ଶ୍ରୀ ଜଗନ୍ନାଥଙ୍କ ସଂସ୍କୃତି ଓ ଅଲୌକିକ ମହିମା ସମ୍ପର୍କରେ ଆଲୋକପାତ କରିଥିଲେ।ଆୟୋଜିତ ସଭାରେ ଜଗନ୍ନାଥ ସଂସ୍କୃତି, ପରମ୍ପରା ପ୍ରଚାର ପ୍ରସାର ଦିଗରେ ଶ୍ରଦ୍ଧାଳୁଙ୍କ ଏଭଳି ବିଶାଳ ଦିବ୍ୟ ଆୟୋଜନ ସମ୍ପର୍କରେ ବକ୍ତା ମାନେ ଅଭିଭାଷଣ ପ୍ରଦାନ କରିଥିଲେ।ପ୍ରାରମ୍ଭରେ ବରିଷ୍ଠ ସମାଜସେବୀ ମୁନିନ୍ଦ୍ର ଧର ଅତିଥି ପରିଚୟ ଓ ମଞ୍ଚ ଆହ୍ୱାନ କରିଥିବା ବେଳେ ଶେଷରେ ବରିଷ୍ଠ ସଦସ୍ୟ ଅଧୀର କୁମାର ପ୍ରାମାଣିକ ଧନ୍ୟବାଦ ଅର୍ପଣ କରିଥିଲେ।ଏହି କାର୍ଯ୍ୟକ୍ରମରେ ଜିଲ୍ଲା ପରିଷଦ ଉପସଭାପତି ଅନୁସୂୟା ପ୍ରଧାନ, ଜଳେଶ୍ୱର ବ୍ଲକ ଅଧ୍ୟକ୍ଷ ମାନସ ଜେନା,ନଗରପାଳ ପ୍ରତୀପ କୁମାର ପ୍ରଧାନ,ସମାଜସେବୀ ସମୀର ପାତ୍ର,ପୂର୍ବତନ ବ୍ଲକ ଅଧ୍ୟକ୍ଷ ତପନ ଦାସ,ଦିଲ୍ଲୀପ କୁମାର ସାମଲ,ବିଜୟ କାମିଳା,ଆରତୀ ଦାସ,ସୁବିନିତା ଦତ୍ତ,ସୁକୁମାର ରଣା,ଲେଲିନ ପ୍ରଧାନ,ବିଶ୍ୱଜିତ ପାଳ, ସଞ୍ଜୀବ ପାଳ, ଆନନ୍ଦ କର,ସୁରଜ ଚୌରାସିଆ,ପୁରୀ ଗୋବର୍ଦ୍ଧନ ପୀଠର ମହାସଚିବ ସତ୍ୟଜିତ ବେଜ ପ୍ରମୁଖ ଉଦ୍ଘାଟନ ଉତ୍ସବରେ ଅତିଥି ରୂପେ ଉପସ୍ଥିତ ଥିଲେ। ଅନ୍ୟ ମାନଙ୍କ ମଧ୍ୟରେ ବ୍ଲକ ଉପାଧ୍ୟକ୍ଷ ସଞ୍ଚିତା ସେନାପତି, ମଧୁସୂଦନ ସେନାପତି,ସରପଞ୍ଚ ଶୁଭସ୍ମିତା ଦାସ,ପ୍ରବୀର ଦାସ,ଜଳେଶ୍ୱର ଓକିଲ ସଂଘ ସଭାପତି କୁଞ୍ଜ ବିହାରୀ ଦାସ, ଉଚ୍ଚ ନ୍ୟାୟାଳୟର ବରିଷ୍ଠ ଆଇନଜୀବୀ ରାମଚନ୍ଦ୍ର ଜେନା,ରାଜୀଵ ପରିଡ଼ା, ଅଶୋକ ପରିଡ଼ା,ନନୀଗୋପାଳ ଦାସ,ମନୋଜ ପରିଡ଼ା, ରବୀନ୍ଦ୍ର ନନ୍ଦୀ, ବିଧୁଭୂଷଣ କାନୁନଗୋ,ସୁରେନ୍ଦ୍ର ପାଳ, ସପନ ଦାସ ପ୍ରମୁଖ ମହୋତ୍ସବ ପରିଚାଳନାରେ ସହଯୋଗ କରିଥିଲେ। ଶେଷରେ ଶ୍ରୀଜଗନ୍ନାଥ ପରମ୍ପରାକୁ ଅଧିକ ରୁଦ୍ଧିମନ୍ତ କରୁଥିବା ସୁନାମଧନ୍ୟ କଳାକାର ଦେବସ୍ମିତା ଆଚାର୍ଯ୍ୟ ଓ ସାଥୀଙ୍କ ଦ୍ୱାରା ସୁମଧୁର ଭଜନ ପରିବେଷଣରେ ଅଞ୍ଚଳରେ ଭକ୍ତିମୟ ପରିବେଶ ସୃଷ୍ଟି ହୋଇଥିଲା।
