ଚମ୍ପିଆନ୍ସ ଟ୍ରଫିରେ ପଦାର୍ପଣ କରିଥିବା ଆଫଗାନିସ୍ତାନ ଗୁରୁତ୍ୱପୂର୍ଣ୍ଣ ମ୍ୟାଚରେ ଶକ୍ତିଶାଳୀ ଇଂଲଣ୍ଡ ଦଳକୁ ପରାଜିତ କରି ରଚିଛି ଐତିହାସିକ ବିଜୟ। ବୁଧବାର ଏକ ଆଫଗାନିସ୍ତାନ ପରାଜିତ କରିଛି। ଏହା ସହିତ ୨ଟି ମ୍ୟାଚ ହାରିବା ପରେ ଇଂଲଣ୍ଡର ଚମ୍ପିଆନ୍ସ ଟ୍ରଫି ଯାତ୍ରା ଶେଷ ହୋଇଛି। ଆଫଗାନିସ୍ତାନଠାରୁ ଇଂଲଣ୍ଡ ୮ ରନରେ ହାରି ଟୁର୍ଣ୍ଣାମେଣ୍ଟରୁ ବିଦା ହୋଇଛି। ୩୨୬ ରନର ବିଜୟ ଲକ୍ଷ୍ୟକୁ ପିଛା କରି ଇଂଲଣ୍ଡ ୪୯.୫ ଓଭରରେ ସମସ୍ତ ଉଇକେଟ ହରାଇ ୩୧୭ ରନ କରିବାକୁ ସକ୍ଷମ ହୋଇଛି। ଦଳ ପକ୍ଷରୁ ଜୋ ରୁଟ ସର୍ବାଧିକ ୧୨୦ ରନର ଲଢୁଆ ଇନିଂସ ଖେଳିଥିଲେ ହେଁ ଅନ୍ୟ ଖେଳାଳିମାନଙ୍କ ବିଫଳତା ଯୋଗୁ ଦଳକୁ ହାରିବାକୁ ପଡ଼ିଛି।
ଆଫଗାନିସ୍ତାନ ପ୍ରଥମେ ବ୍ୟାଟିଂ କରି ୫୦ ଓଭରରେ ୭ ଉଇକେଟ ହରାଇ ୩୨୫ ରନ ସଂଗ୍ରହ କରିଥିଲା। ଇବ୍ରାହିମ ଜର୍ଡାନଙ୍କ ୧୭୭ ରନର ବିଶାଳ ଇନିଂସ ଇଂଲଣ୍ଡ ପାଇଁ ଭାରି ପଡ଼ିଥିଲା। ଇଂଲଣ୍ଡ ପକ୍ଷରୁ ଜୋଫ୍ରା ଆର୍ଚର ସର୍ବାଧିକ ୩ଟି ଏବଂ ଲିଆମ ଲିଭିଂଷ୍ଟୋନ ୨ଟି ଉଇକେଟ ନେଇଥିଲେ। ୩୨୬ ରନର ଟାର୍ଗେଟକୁ ପିଛା କରୁଥିବା ଇଂଲଣ୍ଡ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟର ସମ୍ମୁଖୀନ ହୋଇଥିଲା। ପରବର୍ତ୍ତୀ ସମୟରେ ଜୋ ରୁଟ ଦଳର ସ୍କୋରକୁ ଆଗେଇ ନେଇଥିଲେ ହେଁ ଅନ୍ୟ ଖେଳାଳିମାନଙ୍କ ବଡ଼ ଯୋଗଦାନ ନ ମିଳିବାରୁ ଦଳ ମାତ୍ର ୮ ରନରେ ପରାଜୟବରଣ କରିଥିଲା। ଆଫଗାନିସ୍ତାନ ବୋଲର ଅଜମତୁଲ୍ଲା ସମାରଜାଇ ସର୍ବାଧିକ ୫ଟି ଏବଂ ମହମ୍ମଦ ନବି ୨ଟି ଉଇକେଟ ନେଇଥିଲେ।
କ୍ୟାରିୟ?ର୍ର ପ୍ରଥମ ୫ ୱିକେଟ୍ ସଫଳତା ପାଇଥିବା ଓମାରଜାଇ ଇଂଲଣ୍ଡର ସବୁଠୁ ବେଶି କ୍ଷତି ଘଟାଇଥିଲେ। ଅଷ୍ଟ୍ରେଲିଆଠାରୁ ହାରିଥିବା ଇଂଳଣ୍ଡ ଲଗାତାର ଦ୍ୱିତୀୟ ପରାଜୟବରଣ କରିବା ଏହି ଦଳର ପ୍ରଶଂସକଙ୍କୁ ନିରାଶ କରିଥିଲା। ଅନ୍ୟପକ୍ଷରେ ଆଫଗାନିସ୍ତାନ ଉତ୍ସବମୁଖର ହୋଇଥିଲା। ଏହି ଦେଶର ରାଜଧାନୀ କାବୁଲ୍ ସମେତ ବିଭିନ୍ନ ସହର ଓ ଗ୍ରାମାଞ୍ଚଳରେ ପ୍ରଶଂସକ ବେଶ ଧୁମଧାମ୍ରେ ଉତ୍ସବ ପାଳନ କରିବା ଦେଖିବାକୁ ମିଳିଥିଲା। ସେହିଭଳି ଜଦ୍ରାନ ତାଙ୍କ ଐତିହାସିକ ପାଳି ପାଇଁ ମ୍ୟାଚ୍ର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ।
ସଂକ୍ଷିପ୍ତ ସ୍କୋର୍: ଆଫ୍ଗାନିସ୍ତାନ ୫୦ ଓଭରରେ ୩୨୫/୭ (ଇବ୍ରାହିମ ଜଦ୍ରାନ ୧୭୭, ଅଜ୍ମତୁଲ୍ଲା ଓମାରଜାଇ ୪୧, ହସମତୁଲ୍ଳା ସାହିଦି ୪୦, ମହମ୍ମଦ ନବି ୪୦, ଜୋଫ୍ରା ଆର୍ଚର ୩/୬୪, ଲିଆମ ଲିଭିଂଷ୍ଟୋନ୍ ୨/୨୮)। ଇଂଲଣ୍ଡ ୪୯.୫ ଓଭରରେ ୩୧୭ (ଜୋ ରୁଟ୍ ୧୨୦, ବେନ୍ ଡକେଟ ୩୮, ଜୋସ ବଟଲର ୩୮, ଜାମି ଓଭରଟନ୍ ୩୨, ଅଜ୍ମତୁଲ୍ଲା ଓମାରଜାଇ ୫/୫୮, ମହମ୍ମଦ ନବି ୨/୫୭)।
