ପୂର୍ବାଚଂଳ ଆଚଂଳିକ କୃଷିମେଳା ୨୦୨୪-୨୫

କଟକ, ୨୮/୨ : ବିଦ୍ୟାଧରପୁର ସ୍ଥିତ କେନ୍ଦ୍ରୀୟ ଧାନ ଗବେଷଣା ଅନୁଷ୍ଠାନ ପକ୍ଷରୁ ଫେବୃଆରୀ ୨୭ରୁ ମାର୍ଚ୍ଚ ୧ ପର୍ଯ୍ୟନ୍ତ ପୂର୍ବାଂଚଳ ଆଚଂଳିକ କୃଷି ମେଳା ୨୦୨୪-୨୫ ଆୟୋଜିତ ହୋଇଯାଇଛି । ୫ଜି ସକ୍ଷମ ଜଳବାୟୁ ସ୍ମାର୍ଟ କୃଷି ସ୍ଥାୟୀତ୍ୱ ଏବଂ ସ୍ଥିରତା ପାଇଁ କୃଷି ପରିବେଶକୁ ପରିବର୍ତନ କରିବା ଶୀର୍ଷକ ଏହି କାର୍ଯ୍ୟକ୍ରମର ଲକ୍ଷ୍ୟ ହେଉଛି ୫ଜି ପ୍ରଯୁକ୍ତିର ସମ୍ଭାବନାକୁ ଉପଯୋଗ କରି ଧାନ ଆଧାରିତ କୃଷି ପ୍ରଣାଳୀରେ ଜଳବାୟୁ-ସ୍ମାର୍ଟ କୃଷି ପଦ୍ଧତି ଗ୍ରହଣକୁ ପ୍ରୋତ୍ସାହିତ କରିବା। ଏହି ମେଳାରେ ଓଡ଼ିଶା, ପଶ୍ଚିମବଙ୍ଗ, ବିହାର, ଝାଡ଼ଖଣ୍ଡ ଏବଂ ମହାରାଷ୍ଟ୍ରର ଚାଷୀ, ଗବେଷକ, ନୀତି ନିର୍ଦ୍ଧାରକ, କୃଷି-ଉଦ୍ୟୋଗୀ ଏବଂ ଶିଳ୍ପ ବିଶେଷଜ୍ଞଙ୍କ ସମେତ ପ୍ରାୟ ୨ ହଜାରେରୁ ଉର୍ଦ୍ଧ୍ୱ ହିତାଧିକାରୀ ଯୋଗ ଦେଇଥିଲେ। ଚାଷୀ ଏବଂ ବୈଜ୍ଞାନିକମାନଙ୍କ ମଧ୍ୟରେ ସିଧାସଳଖ ପାରସ୍ପରିକ କ୍ରିୟାକୁ ସହଜ କରି, ଏହି କାର୍ଯ୍ୟକ୍ରମ କ୍ଷେତ୍ରରେ ଗବେଷଣା ପ୍ରଗତି ଏବଂ ବ୍ୟବହାରିକ କାର୍ଯ୍ୟାନ୍ୱୟନ ମଧ୍ୟରେ ଥିବା ପାର୍ଥକ୍ୟକୁ ପୂରଣ କରିବା ମୂଳଲକ୍ଷ ଅଟେ ।
ଅନୁଷ୍ଠିତ ଉଦଘାଟନୀ ଉତ୍ସବରେ ଉଦଘାଟକ ଭାବେ ଭୂବନେଶ୍ୱର ଭାରତୀୟ ଜଳ ପ୍ରତିଷ୍ଠାନର ନିର୍ଦ୍ଦେଶକ ଅର୍ଜାମଦତ ଷଢ଼ଙ୍ଗୀ ଯୋଗ ଦେଇଥିବା ବେଳେ ମୁଖ୍ୟଅତିଥି ଭାବେ କେନ୍ଦ୍ରୀୟ ଧାନ ଗବେଷଣା କେନ୍ଦ୍ରର ନିର୍ଦ୍ଦେଶକ ଡଃ ଅମରେଶ କୁମାର ନାୟକ ଏବଂ ସମ୍ମାନିତ ଅତିଥି ଭାବେ ଭୂବନେଶ୍ୱର ଉଦ୍ୟାନ କୃଷି ପ୍ରତିଷ୍ଠାନର ମୁଖ୍ୟ ଗୋବିନ୍ଦ ଚନ୍ଦ୍ର ଆଚାର୍ଯ୍ୟ, କୃଷି ମେଳାର ସହ ଅଧ୍ୟକ୍ଷ ଜେଏମଜେ ବେଗ୍ ପ୍ରମୁଖ ଯୋଗଦେଇ ସମାବେଶକୁ ସମ୍ବୋଧିତ କରି ଏହି ମେଳାର ଉଦ୍ଦେଶ୍ୟ ହେଉଛି ଏହି ଚାରୋଟି ରାଜ୍ୟରେ ସ୍ମାର୍ଟ ସ୍ଥାୟୀ କୃଷିକୁ ସକ୍ଷମ କରିବାରେ ୫ଜି ପ୍ରଯୁକ୍ତିର ଭୂମିକା ଉପରେ ଶିଳ୍ପ, ସରକାର ଏବଂ ଗବେଷଣା ପ୍ରତିଷ୍ଠାନ ମଧ୍ୟରେ ଯୋଗାଯୋଗ ଏବଂ ସହଯୋଗ ପାଇଁ ଏକ ମଂଚ ପ୍ରଦାନ କରିବା ୫ଜି ପ୍ରଯୁକ୍ତିବିଦ୍ୟା ଏବଂ ସ୍ମାର୍ଟ କୃଷି ଉଦ୍ଭାବନର ସମନ୍ୱୟ ସ୍ଥାୟୀ, ଦକ୍ଷ ଏବଂ ତଥ୍ୟ-ଚାଳିତ କୃଷିର ଏକ ନୂତନ ଯୁଗର ଆରମ୍ଭ କରୁଛି। ଏଆଇ-ଚାଳିତ ଫସଲ ତଦାରଖ ଠାରୁ ଆରମ୍ଭ କରି ବ୍ଲକଚେନ୍‌-ଆଧାରିତ ଯୋଗାଣ ଶୃଙ୍ଖଳା ପରିଚାଳନା ପର୍ଯ୍ୟନ୍ତ, ଏହି ପ୍ରଯୁକ୍ତିବିଦ୍ୟାଗୁଡ଼ିକ କୃଷି କ୍ଷେତ୍ର ଦ୍ୱାରା ସମ୍ମୁଖୀନ ହେଉଥିବା କିଛି ଗୁରୁତ୍ୱପୂର୍ଣ୍ଣ ଚ୍ୟାଲେଞ୍ଜର ସମାଧାନ କରୁଛି ବୋଲି ମତବ୍ୟକ୍ତ କରିଥିଲେ । ତିନିଦିନି ବ୍ୟାପି କାର୍ଯ୍ୟକ୍ରମରେ କାର୍ଯ୍ୟକ୍ରମ ମଧ୍ୟରେ, ଲାଇଭ୍ ପ୍ରଦର୍ଶନ, ଫସଲ ସେମିନାର, ପ୍ରଦର୍ଶନୀ, କିଷାନ ଗୋଷ୍ଠୀ ଏବଂ ପାରସ୍ପରିକ କୃଷକ- ବୈଜ୍ଞାନିକ ଆଲୋଚନା ଭଳି ବିଭିନ୍ନ କାର୍ଯ୍ୟକଳାପ ଅଂଶଗ୍ରହଣକାରୀ ମାନଙ୍କୁ ଅଭିନବ ପ୍ରଯୁକ୍ତିବିଦ୍ୟା ଏବଂ ଆଧୁନିକ କୃଷି ପଦ୍ଧତି ବିଷୟରେ ବ୍ୟବହାରିକ ଜ୍ଞାନ ପ୍ରଦାନ କରାଯାଇଥିଲା। ମେଳାରେ କୃଷକମାନଙ୍କ ମଧ୍ୟରେ ସକ୍ରିୟତା ଏବଂ ସଚେତନତାକୁ ଉତ୍ସାହିତ କରିବା ପାଇଁ ଏକ ପୁରସ୍କାରପ୍ରାପ୍ତ ସ୍କଟ୍ କୁଇଜ୍ କାର୍ଯ୍ୟକ୍ରମ ମଧ୍ୟ ପ୍ରଦର୍ଶିତ ହୋଇଥିଲା। ଏହି କାର୍ଯ୍ୟକ୍ରମରେ କୃଷି ସାମଗ୍ରୀ, ଯନ୍ତ୍ରପାତି, ପ୍ରକ୍ରିୟାକରଣ ଏବଂ ବିପଣନ କ୍ଷେତ୍ରରେ ପ୍ରଯୁକ୍ତିବିଦ୍ୟା ନବସୃଜନ ମଧ୍ୟ ପ୍ରଦର୍ଶନ କରାଯାଇଥିଲା, ଯାହାଦ୍ୱାରା କୃଷି-ଉଦ୍ୟୋଗୀତାକୁ ପ୍ରୋତ୍ସାହିତ କରାଯାଇଥିଲା। ସ୍ଥାୟୀତ୍ୱ ଏବଂ ଖାଦ୍ୟ ସୁରକ୍ଷା ପାଇଁ ପ୍ରଯୁକ୍ତି ବିଦ୍ୟା ଆଧାରିତ କୃଷି ଉପରେ ଗୁରୁତ୍ୱାରୋପ କରାଯିବା ସହ ସନ୍ଧ୍ୟାରେ ଏକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ସହ କୃଷି ମେଳା ସମାପ୍ତ ହୋଇଥିଲା ।