ରେଢ଼ାଖୋଲ (ମନୋଜ କୁମାର ଜଗତ୍) ନାକଟିଦେଉଳ ବନାଞ୍ଚଳରେ ରେ ଦିନକୁ ଦିନ ହାତୀ ମାନଙ୍କର ଉତ୍ପାତ ବଢ଼ିବାରେ ଲାଗିଛି l ହାତୀ ଆକ୍ରମଣ ରେ ଜଣେ ବୃଦ୍ଧାଙ୍କ ମୃତ୍ୟୁ ହୋଇଥିବା ଜଣା ପଡିଛି| ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ସମ୍ବଲପୁର ଜିଲ୍ଲା ନାକଟିଦେଉଳ ରେଞ୍ଜ ବାଟଗାଁ ଫରେଷ୍ଟ ସେକ୍ସନ ଅନ୍ତର୍ଗତ ଚଡ ଚଡି ଗ୍ରାମରେ | ସୂଚନାରୁ ପ୍ରକାଶ ଯେ, ରେଢ଼ାଖୋଲ ବନଖଣ୍ଡ ନାକଟିଦେଉଳ ରେଞ୍ଜ ବାଟଗାଁ ଫରେଷ୍ଟ ସେକ୍ସନ ଚଡ ଚଡି ଗ୍ରାମର ଉପାସି ବେହେରା (୫୯) ସ୍ୱାମୀ – ଶ୍ରୀବତ୍ସ ବେହେରା ନିଜ କାଜୁ ବଗିଚା ରାସ୍ତା ପାଖରେ ବୁଧବାର ଦିନ ସକାଳୁ କେନ୍ଦୁପତ୍ର ତୋଳିବାକୁ ଯାଉଥିବା ବେଳେ ଏକ ଦନ୍ତା ହାତୀ ଆସି ଆକ୍ରମଣ କରିଥିଲା | ଫଳରେ ଘଟଣା ସ୍ଥଳରେ ଉପାସିଙ୍କ ଶୋଚନୀୟ ମୃତ୍ୟୁ ହୋଇଥିଲା | ସକାଳୁ ଗ୍ରାମବାସୀ ଶବକୁ ଦେଖି ବନବିଭାଗକୁ ଖବର ଦେଇଥିଲେ| ଏହି ଘଟଣା ପରେ ଗ୍ରାମବାସୀ ଙ୍କ ମଧ୍ୟରେ ଚାପା ଉତ୍ତେଜନା ସୃଷ୍ଟି ହୋଇଛି। ବନ ବିଭାଗ ଅଧିକାରୀମାନେ ଘଟଣା ସ୍ଥଳରେ ପହଞ୍ଚି ହାତୀର ଗତିବିଧି ଉପରେ ନଜର ରଖିଛନ୍ତି। ନାକଟିଦେଉଳ ପୋଲିସ ଏକ ମାମଲା ରୁଜୁ କରି ଶବ ବ୍ୟବଛେଦ ପାଇଁ ପଠାଇ ଥିବା ଜଣା ପଡିଛି | ତେବେ ବନବିଭାଗର ଦାୟିତ୍ୱ ହୀନତା ଯୋଗୁଁ ଏଭଳି ଘଟଣା ଘଟୁଛି ବୋଲି ସାଧାରଣରେ ଚର୍ଚ୍ଚା ହେଉଛି |
